Axar.az
Yuxarı

Erməni idmançı ilə bağlı şikayət qəbul olundu

Ana səhifə Toplum
12 Punto 14 Punto 16 Punto 18 Punto

Azərbaycan Tennis Federasiyasının erməni əsilli Rusiya idmançısı Karen Xaçanovun "Australian Open" turnirindəki təxribatı ilə bağlı Beynəlxalq Tennis Federasiyasına göndərdiyi məktub qəbul olunub.

Axar.az xəbər verir ki, bununla bağlı Beynəlxalq Tennis Federasiyasının məktubunda qeyd olunur:

“Beynəlxalq Tennis Federasiyası Karen Xaçanovun “Australian Open” çempionatında keçirdiyi oyunların sonunda meydançadakı kameraya yazdığı mesajla bağlı şikayətinizi qəbul edib. Beynəlxalq Tennis Federasiyası şikayətinizi “Australian Open” turnirinin təşkilatçısı olan “Tennis Australia”ya yönləndirdi. “Böyük Dəbilqə” Davranış Kodeksinə əsasən, Avstraliya Tennisi və “Böyük Dəbilqə”nin İdarə Heyəti “Australian Open” turniri və tədbirdə iştirak edən oyunçuların davranışı ilə bağlı yurisdiksiyaya malikdir. Onlar “Böyük Dəbilqə” Davranış Kodeksinə zidd hesab oluna bilən hər hansı hərəkəti araşdırmaq üçün müvafiq orqandırlar və istənilən növbəti tədbir planı həmin Davranış Məcəlləsində müəyyən edilmiş prosedurlara uyğun olaraq həyata keçiriləcək".

Azərbaycan Tennis Federasiyasından isə bildirilib ki, Beynəlxalq Tennis Federasiyası qarşıda baş verə biləcək hər hansı təxribatı nəzərində saxlasa da, Xaçanovun bundan əvvəlki əməllərinə görə hansısa tədbirin görülməməsi ciddi narahatlıq doğurur. Ona görə də, əvvəlki təxribatlar da nəzərə alınmaqla, erməni əsilli idmançının cəzalandırılması üçün yenidən beynəlxalq quruma müraciət ünvanlanacaq.

Xatırladaq ki, Xaçanov ardıcıl 2 oyundan sonra kameranın obyektivinə Qarabağdakı separatçı rejimin təbliği ilə bağlı yazı yazıb. Yarışda, həmçinin Ermənistanla yanaşı, separatçı rejiminin bayrağı açılıb.

Bu hadisələrdən sonra Gənclər və İdman Nazirliyi və Azərbaycan Tennis Federasiyası müvafiq qurumlara etiraz məktubu ünvanlayıb.

Tarix
2023.01.24 / 22:00
Müəllif
Axar.az
Şərhlər
Digər xəbərlər

SOCAR dəniz obyektlərində təhlükəsizliyi gücləndirdi

Etibar Mirzəyev Qəhrəmanmaraşdadır - Foto

Dağıntılar altından daha bir qadın sağ çıxarıldı

Daha bir marşrut xətti "BakuBus"a verildi

Zəlzələ ilə bağlı həkimlərdən ibarət heyət yaradıldı

FHN-çilər 3 nəfəri dağıntılar altından sağ çıxartdı

XİN: Zəlzələdə sənədləri itmiş şəxslər...

Baş Prokurorluğa yeni mətbuat katibi təyin olundu

Xocalıda ağır qəza: yük maşını kanala düşdü

İlham Əliyev sərəncam imzaladı

KULT
<>
Xəbər xətti
Axar.az'da reklam Bağla
Reklam
Bize yazin Bağla