Türkiyə Respublikasının Qars şəhərində Əlahiddə Ümumqoşun Ordunun hərbi qulluqçularının iştirakı ilə keçirilən “Qış təlimi - 2023” beynəlxalq təlimi davam edir.

Axar.az xəbər verir ki, bu barədə Türkiyə Milli Müdafiə Nazirliyi məlumat yayıb.

Azərbaycan ilə yanaşı, təlimdə iştirak edən digər 17 ölkənin hərbi qulluqçuları sərt iqlim və çətin relyef şəraitində müxtəlif epizodlar üzrə tapşırıqları yerinə yetirirlər.

18 dərəcə şaxtada keçirilən təlimə 1758 şəxsi heyət qatılıb. Korpusun əsas komandanlıq məntəqəsində soyuq iqlim qar kamuflyajı, hava hücumundan müdafiə ilə bağlı erkən xəbərdarlıq və komanda idarəetmə sistemi tətbiq edilib.

Bundan başqa, hərbçilərin təyyarədən tullanması ilə bağlı tapşırıqlar da icra olunub.