Bakı-Qazax magistral yolunun 310-cı kilometrliyində 4 nəfərin xəsarət alması ilə nəticələnən yol qəzası baş verib.

Axar.az Report-a istinadən xəbər verir ki, magistral yolun Goranboy rayon ərazisindən keçən hissəsində 1985-ci il təvəllüdlü M.İsmayılovun idarə etdiyi "İsuzu" markalı yük avtomobili ilə Mingəçevir şəhər sakini, 1948-ci il təvəllüdlü M.Həsənovun idarə etdiyi VAZ-2106 markalı avtomobil toqquşub.

Qəza nəticəsində minik avtomobilində olan 1973-cü il təvəllüdlü T.Dursunova, 1995-ci il təvəllüdlü G.Dursunova, 1953-cü il təvəllüdlü A.Həsənova və 1980-ci il təvəllüdlü Y.Həsənova xəsarət alıb.

Faktla bağlı araşdırma aparılır.