Nərimanov rayonundakı bir neçə əsas küçədə təmir işləri ilə əlaqədar nəqliyyatın hərəkəti məhdudlaşdırılıb.

Nəqliyyatın İntellektual İdarəetməsi Mərkəzindən Axar.az-a verilən məlumata görə, təmir işləri bu gün saat 14:00-dan başlayıb. Nərimanov rayonunda Mayakovski, Çaykovski və Hidayətzadə küçələrində (10 saylı ünvanda, Mayakovski küçəsinin hərəkət hissəsini eninə keçməklə, Mayakovski və Çaykovski küçələrinin hərəkət hissəsi boyu İ.Hidayətzadə küçəsinə qədər) gedən istilik xəttinin mərhələlərlə dəyişdirilməsi üçün asfalt örtüyü sökülür.

İşin icrasının 5 iş günü ərzində başa çatdırılması nəzərdə tutulub. Təmir işləri Azəristiliktəchizat ASC tərəfindən aparılır.