Şikayətçilər haqlıdırlar, orda pandus yoxdur. Lakin pandus şəraiti yaradılsa da, əlillər yenə də müəyyən bir məsafəni qət etməli olacaq. Bu isə Bulvar İdarəsinin problemi deyil.

Bu sözləri Axar.az-a Bulvar İdarəsinin rəis müavini Nazim Məcidov əlillərin gəmiyə minməsində mövcud olan çətinlikdən danışarkən deyib. Onun sözlərinə görə, Bulvar İdarəsi pandusların həlli üçün çalışsa da, bu, bütün problemi həll etmir:

"Məsələ burasındadır ki, istehsalçı gəmini düzəldərkən əlillərin ondan istifadəsi üçün heç bir yol qoymayıb. Gəmilər isə bizim istehsalımız deyil. Biz panduslar quraşdırsaq da, istər-istəməz əlil arabasında olan şəxslərin yenə də əlavə köməyə ehtiyacı olacaq. Ona görə də gəmilərə pandusların qoyulması elə də böyük əhəmiyyət kəsb etmir".

İdarə sözçüsü qeyd edib ki, 15-20 nəfərlik komanda gəmiyə minmək istəyən əlillərə köməklik göstərir.