Azərbaycanda koronavirus (COVID-19) infeksiyasına 108 yeni yoluxma faktı qeydə alınıb, 96 nəfər müalicə olunaraq sağalıb.

Axar.az xəbər verir ki, bu barədə Nazirlər Kabineti yanında Operativ Qərargahdan məlumat verilib.

Məlumata görə, COVID-19 üçün götürülən analiz nümunələri müsbət çıxmış şəxslər arasında 1 nəfər ölüb.

Azərbaycanda indiyədək ümumilikdə 830 531 nəfərin koronavirus infeksiyasına yoluxması faktı müəyyən edilib. Onlardan 819 851 nəfər müalicə olunaraq sağalıb, 10 199 nəfər vəfat edib, aktiv xəstə sayı 481 nəfərdir.

Ölkədə son sutka ərzində 1 548, hazırkı dövrədək isə 7 572 070 test aparılıb.