Gələn il iyun ayında keçiriləcək Formula 1 yarışı ilə bağlı paytaxtın yarış trekinin üzərinə düşən mərkəzi küçələrində təmir-tikinti işləri həyata keçirilir.

Axar.az xəbər verir ki, dekabr ayının 1-dən etibarən Xaqani küçəsinin Rəşid Behbudov küçəsi ilə kəsişməsi asfalt örtüyünün təmirinə bağlanıb.

Paytaxt sakinlərinin hərəkətinə yaranan məhdudiyyəti azaltmaq üçün təmir işləri mərhələli şəkildə aparılır.

Təmir işləri ilə əlaqədar olaraq Xaqani küçəsinin Azadlıq prospekti ilə kəsişməsi dekabrın 2-də bağlı olacaq.

Qeyd edək ki, yarışdan öncə salınacaq və Formula 1 yarışı standartına cavab verən yenilənmiş yollar daimidir və Qran Pri-dən sonra paytaxt sakinlərinin istifadəsində olacaq.