Sabirabad rayon sakini Yusif Gülüşov Sabirabad ASAN Xidmət mərkəzinə müraciət edərək ASAN Xidmət mərkəzlərindən yararlanan 7 000 000-cu vətəndaş olaraq qeydə alınıb.

ASAN Xidmətdən Axar.az-a bildirilib ki, 6 yaşlı Yusif valideynləri ilə birlikdə Daxili İşlər Nazirliyi tərəfindən həyata keçirilən şəxsiyyət vəsiqəsinin alınması ilə bağlı xidmətə müraciət edib və müvafiq xidmətdən yararlanıb.

Qeyd edək ki, hazırda 5-i paytaxda, 4-ü regionlarda olmaqla 9 ASAN Xidmət mərkəzi fəaliyyət göstərir. Bundan başqa, səyyar ASAN Xidmətin xüsusi avadanlıqlarla təchiz olunmuş 10 avtobusu dövri olaraq ölkənin şəhər və rayonlarında xidmət göstərir.