Rusiyanın Saratov şəhərinin "Olimp-99" idman məktəbində karate üzrə məşqçi Azamat Normanovu öldürən şəxs bəlli olub.

Axar.az xəbər verir ki, əslən azərbaycanlı olan Rasim Kərimov A.Normanovu öldürdüyünü etiraf edib.

Məlumata görə, Rasim Kərimov Normanovla birlikdə "Olimp-99" idman məktəbində işləyib. Lakin aralarında münaqişə yaranıb və R.Kərimov idman zalındakı işindən çıxıb. Kərimovun 18 yaşlı qızı Veronika isə zalda məşqlərinə davam edib.

Bundan sonra A.Normanov Veronikaya qarşı qərəzli mövqe sərgiləyib. Qızına qarşı münasibətə dözməyən Kərimov noyabrın 30-da zala gəlib və qızının məşqçisini güllələyərək öldürüb, iki nəfəri isə yaralayıb.

O, dindirilmə zamanı ədaləti bərpa etdiyini deyib.

Kərimov barəsində "xüsusi təhlükəli üsul ilə törədilmiş qətl" maddəsi üzrə cinayət işi açılıb.