Türkiyənin Nəqliyyat Nazirliyinin bütün limanlara göndərdiyi təlimata əsasən, Rusiya bayrağı altında üzən gəmilərdə aparılan PSC yoxlamaları Türkiyədə gəmiçilik şirkətlərinin fəaliyyətini çətinləşdirib.

Moderator.az xəbər verir ki, ötən gün Aliağa limanında lövbər salan Palmali Şirkətlər Qrupuna məxsus olan "Azəri Qarabağ" tankerində PSC yoxlamaları aparılıb. Yoxlamalar nəticəsində PSC inspektorları tərəfindən Rusiya bayrağı altında üzən "Azəri Qarabağ" tankerində 12 nöqsan müəyyən edilib.

Qeyd edək ki, 2005-ci ildə suya buraxılan Armada tipli "Azəri Qarabağ" tankerinin uzunluğu 139 metr, eni 16 metr yükdaşıma qabiliyyəti 6526 ton təşkil edir.