Ana səhifə Toplum |
Samuxda törədilən qətldə şübhəli bilinən 3 nəfər
saxlanılıb.
APA-nın qərb bürosunun verdiyi məlumata görə
dekabrın 18-də axşam saatlarında Samuxun Nəbiaağalı qəsəbəsində
rayon sakini, 1952-ci il təvəllüdlü Lütfiyyə İsmayılovanı qətlə
yetirib, evini qarət edərək yandırmaqda şübhəli bilinən 3 nəfər
saxlanılıb.
Saxlanılanlar Samux rayon sakinləri 28 yaşlı Pərviz Həsənov, 27
yaşlı Rəşad Nəsibov və 25 yaşlı Azad Günəşlidir. Onların evdən
qızıl zinət və qiymətli əşyalar apardığı bildirilir.
Faktla bağlı Samux rayon Prokurorluğunda cinayət işi açılıb,
istintaq gedir.
Qeyd edək ki, DİN-in hadisə ilə bağlı yaydığı məlumatda bildirilir
ki, dekabrın 18-də saat 18 radələrində Samux rayonunun Nəbiağalı
qəsəbəsində yaşayan Lütfiyyə İsmayılovanın evində yanğın baş
verib.
Yanğın söndürüldükdən sonra L. İsmayılovanın əlləri bağlı və boğaz
nahiyəsində kəsilmiş xəsarəti olan yanmış meyiti tapılıb.
Faktla əlaqədar cinayət işi başlanıb.
Samux rayon Polis Şöbəsi tərəfindən əməliyyat-axtarış tədbirləri
aparılır.
Tarix
2015.12.20 / 17:59
|
Müəllif
Axar.az
|