Bakıda restoranda atəş açılıb.

APA-nın verdiyi məlumata görə, hadisə Lökbatan qəsəbəsi ərazisində yerləşən "Zeytə park" restoranında baş verib.

İlkin məlumata görə, restoranın müştəriləri arasında mübahisə yaranıb. Mübahisə zamanı hələlik şəxsiyyəti məlum olmayan bir nəfər tüfəngdən atəş açıb. Nəticədə 4-5 nəfər yaralanıb. Yaralılar təcili tibbi yardım briqadaları tərəfindən 1 saylı Şəhər Kliniki Xəstəxanasına aparılıb.

Hazırda hadisə yerində hüquq-mühafizə orqanlarının əməkdaşları işləyirlər. Restoran bağlanıb, əraziyə heç kim buraxılmır.

Qeyd edək ki, hadisə barədə ilk məlumatı Musavat.com yayıb.