Heydər Əliyev Beynəlxalq Hava Limanının işində heç bir problem müşahidə olunmur.

Trend-ə hava limanından verilən məlumata görə, gecə saatlarından davam edən qara baxmayaraq, hazırda təyyarələrin yola salınması və qəbulu normal rejimdə həyata keçirilir.

Yanvarın 2-də Bakıda və Abşeron yarımadasında havanın fasilələrlə yağıntılı olacağı, qar yağacağı gözlənilir. Güclü şimal-qərb küləyi əsəcək. Havanın temperaturunun gecə 0-3° şaxta, gündüz 0-3° dərəcə isti gözlənilir. Gecə və səhər yolların buz bağlayacağı, çovğun olacağı ehtimalı var.