Yuxarı

Axar.Az Logo

Salyanda məktəbdə şagirdi beşbarmaqla döydülər

Ana səhifə Toplum
12 Punto 14 Punto 16 Punto 18 Punto

Salyan rayonunda şagird məktəbdə döyülüb.

Axar.az Oxu.az-a istinadən xəbər verir ki, rayonun 2 saylı tam məktəbində təhsil alan iki şagird birlikdə digər sinif yoldaşını döyüb.

Uşaq Salyan Rayon Mərkəzi Xəstəxanasının reanimasiya şöbəsinə yerləşdirilib.

Bildirilib ki, onlar uşağı dəmir beşbarmaqla döyüblər.

İddia edilib ki, hadisəni törədən şəxslərin valideynləri - iş adamı və bank işçisi olduqları üçün ailəyə polisə müraciət etməmək üçün təzyiq olunub.

Daxili İşlər Nazirliyinin (DİN) Mətbuat Xidmətinin bölmə rəisi Zeyni Hüseynov bildirib ki, Salyan Rayon Polis Şöbəsinə rayondakı məktəblərin birində şagirdin xəsarətlər alması ilə bağlı rayon mərkəzi xəstəxanasına müraciət etməsi barədə məlumat daxil olub:

“Daxil olan məlumatla əlaqədar Salyan RPŞ-nin İstintaq Bölməsində müvafiq araşdırmalara başlanılıb. Araşdırmalar zamanı məlum olub ki, məktəbli sinif yoldaşları ilə futbol oynayan zaman digər şagirdlə aralarında mübahisə yaranıb.

Material üzrə müvafiq ekspertiza təyin olunub və valideynlərinin iştirakı ilə məktəblilərin izahatları alınıb.

Ekspertizanın rəyindən və aparılan araşdırmaların nəticəsindən asılı olaraq məsələyə hüquqi qiymət veriləcək”.

Şirvan-Salyan Regional Təhsil İdarəsinin nümayəndəsi Gülay Qanbayzadə bildirib ki, artıq məsələ barədə məlumatlıdırlar:

“İdarə tərəfindən də məsələ barədə araşdırma aparılır”.

Tibbi Ərazi Bölmələrini İdarəetmə Birliyindən (TƏBİB) bildirilib ki, 2008-ci il təvəllüdlü N.Tağızadə TƏBİB-in tabeliyindəki Salyan Rayon Mərkəzi Xəstəxanasının Təcili tibbi yardım şöbəsinə daxil olub:

“Ona burun nahiyəsinin küt travması, qapalı kəllə-beyin travması diaqnozu qoyulub, Reanimasiya şöbəsinə yerləşdirilib. Hazırda tibb müəssisəsinin Cərrahiyyə şöbəsində müalicəsi davam etdirilir. Vəziyyəti stabildir”.

Tarix
2023.09.29 / 16:46
Müəllif
Axar.az
Şərhlər
Digər xəbərlər

ReAL seçki ilə bağlı toplandı, qərar verə bilmədi

İrəvanda sorğu: Ermənistan Azərbaycanın olacaq – Video

Tehranda türk adları ilə bağlı - Qadağa

Bakı ilə Ankara bölgədə elə imkanlar irəli sürür ki... - Ekspert

Nazir: İqlim dəyişikliyi ilə bağlı hədəfə sadiqik

Səfir COP29 barədə danışdı: Bakının böyük təcrübəsi var

İlham Əliyev Keniya prezidentinə məktub göndərdi

Bakı mühüm konfransa ev sahibliyi edəcək

Paşinyan Əliyevi təkrarlaya bilər: mövqeləri güclənir...

Beynəlxalq arenada müstəqil siyasətə davam edəcəyik

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla