Tovuzda itkin düşən qızın qardaşı tərəfindən öldürülərək basdırılması məlum olub.

Axar.az-ın əldə etdiyi xəbərə görə, rayonun Əyyublu kənd sakini, 21 yaşlı Zülfiyyə Məhərrəmova qısqanclıq zəminində qətlə yetirilib.

Qardaşı, 16 yaşlı Anar Məhərrəmov ondan şübhələnərək həyatına son qoyub və qəbiristanlıqda basdırıb. Onun qətli törədərkən tək olmadığı ehtimalı da var. Həbs edilən gənc bacısını basdırdığını etiraf edib.

Məhərrəmovlar ailəsinin qonşuları Kəpəz TV-yə bildiriblər ki, qızlarının təhsil alması üçün çalışıblar. Onların sözlərinə görə, bu ailəni sakit və heç kəslə ədavəti olmayan biri kimi tanıyıblar.