Ana səhifə Toplum |
Masallı rayonunda yanacaqdoldurma məntəqələrinə silahlı
basqın edən şəxs tutulub.
Masallı rayon Polis Şöbəsinin istintaq bölməsinin rəisi Elçin
Fərəcov APA-ya
verilən məlumata görə, yanvarın 14-də rayonun Sərçuvar kəndində
Bayram Məmmədova məxsus yanacaqdoldurma məntəqəsinə silahlı basqın
olması barədə məlumat daxil olub.
Daxil olan məlumat əsasında dərhal əməliyyat qrupu yaradılıb və
həyata keçirilən təxirəsalınmaz əməliyyat tədbirləri nəticəsində
hadisəni törədən rayonun Çaxırlı kənd sakini, 1992-ci il təvəllüdlü
Cəlal İlqar oğlu Cəlalzadə tutulub.
Araşdırmalar zamanı müəyyən edilib ki, adıçəkilən şəxs ötən ilin
dekabrında elə həmin yanacaqdoldurma məntəqəsinə basqın edərək
oradan 700 manat pul aparıb.
Bundan başqa, C. Cəlalzadə yanvarın 4-də rayonun Musaküçə
kəndində yerləşən, Cəmaləddin Heydərova məxsus yanacaqdoldurma
məntəqəsinə silahlı basqın edərək 300 manat pul aparıb.
Faktla bağlı cinayət işi başlanıb, istintaq hərəkətləri davam
etdirilir.
Tarix
2016.01.14 / 13:56
|
Müəllif
Axar.az
|