Qubada istirahət mərkəzində öldürülən 1978-ci il təvəllüdlü Könül Zalovanın tanınmış meyxanaçı Sadıqla dostluq münasibəti olub.

Axar.az xəbər verir ki, bu barədə "Kriminal.az" saytı yazıb. Onun meyxanaçı ilə birgə fotosu da üzə çıxıb. Könülün bir azyaşlı övladının olduğu da vurğulanır.

Xatırladaq ki, Könül sevgilisi olduğu iddia edilən Elməddin Əhmədov tərəfindən qətlə yetirilib. Onların qısqanclıq zəminində mübahisə etdiyi və nəticədə içkili olan Elməddinin Könülü öldürdüyü ehtimal olunur.

Hazırda Elməddin Əhmədov əməliyyat-axtarış tədbirləri nəticəsində tutularaq istintaqa təhvil verilib.

Qeyd edək ki, qətl Qəçrəşdəki "Retro" istirahət mərkəzində baş verib.