Yaxın günlərdə digər sosial ödənişlərin, o cümlədən əmək haqlarının artırılması barədə ardıcıl şəkildə müvafiq fərman və sərəncamların imzalanması, qərarların qəbul olunması, nəticə etibarilə ümumilikdə 3 milyon 600 min nəfəri əhatə edən sosial ödənişlərin artırılması nəzərdə tutulub.

Report xəbər verir ki, bunu jurnalistlərə açıqlamasında Əmək və Əhalinin Sosial Müdafiəsi nazirinin müavini İdris İsayev deyib.

O bildirib ki, birinci qrup əlillərin pensiyalarına da daha əhəmiyyətli dərəcədə artımlar ediləcək: "Artımın maliyyələşdirilməsinə ilin sonunadək 140,8 milyon manat əlavə büdcə vəsaiti sərf olunacaq. Bu sərəncamla 1 milyon 271 min nəfər əmək pensiyaçısının pensiyasının baza hissəsi və ona qanunvericiliklə müəyyən edilən əlavələr 10 faiz artırılacaq".