Ədliyyə işçiləri ümumxalq hüzn günündə Şəhidlər Xiyabanını ziyarət edərək Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının xatirəsini ehtiramla yad edib, məzarları üzərinə tər çiçəklər düzüblər.

Axar.az-ın məlumatına görə, bu hadisələrin ildönümü ilə əlaqədar ədliyyə orqanlarında tədbirlər təşkil olunaraq nazirlikdə Qanlı Yanvar faciəsi ilə bağlı sənədlərdən, arxiv və fotoşəkillərdən ibarət xüsusi stend hazırlanıb, həmçinin bu barədə materiallar elektron məlumat lövhəsində yayımlanıb, kinozalda 20 Yanvar hadisələrindən bəhs edən sənədli filmlər nümayiş etdirilib.