Yuxarı

Yeni ildə qiymətlər bahalaşacaq?

Ana səhifə Toplum
12 Punto 14 Punto 16 Punto 18 Punto

Qarşıdan Yeni il bayramı gəlir. Bayram ərəfəsində Azərbaycanda ərzaq məhsullarının qiymət artımı “ənənəvi” xarakter alıb. Satıcılar fürsətdən istifadə edərək qiymətləri süni şəkildə qaldırır, daha çox pul qazanmağa çalışırlar.

Axar.az xəbər verir ki, məsələ ilə bağlı Trend-ə açıqlama verən Milli Məclisin Aqrar siyasət komitəsinin sədri Tahir Rzayev bayramlar ərəfəsində qiymətlərin qalxmasının hər birimizdə təəssüf doğurduğunu, ancaq bunun da müəyyən səbəbləri olduğunu bildirib.

“Həmin səbəblərdən biri də həmin dövrdə ərzaq məhsullarına olan tələbatın artması və onlardan daha çox istifadə edilməsidir. Bu da bazarda müəyyən qədər qiymətlərin artmasına səbəb olur. Digər tərəfdən, burada müəyyən sahibkarların da rolu var. Onlar süni şəkildə qiymətləri artırmaq istəyirlər.

Əslində, bayram vaxtı qiymətlər aşağı düşməlidir. Hesab edirəm ki, bu işbazlar müəyyən insafa gəlməlidir”, - deyə komitə sədri bildirib.

O qeyd edib ki, dövlət bazarda qiymətlərin süni qaydada artmasının qarşısını alır və bu istiqamətdə müəyyən tədbirlər həyata keçirir:

“Ancaq bu gün bazar iqtisadiyyatıdır, heç kimi istehsal etdiyi məhsulu aşağı qiymətə satmağa məcbur etmək mümkün olmur. İnsanların özlərində müəyyən qaydada bayramlara münasibət formalaşmalıdır, insanların tələbatının ödənilməsinə qayğı olmalıdır.

Ancaq son müşahidələr deməyə əsas verir ki, bazarda müəyyən ərzaq məhsullarının qiyməti aşağı düşüb. Misal üçün, müxtəlif növ yağ məhsullarının qiyməti enib. Un məmulatlarının qiymətlərinin azalması da müşahidə olunur. Xaricdən idxal olunan məhsulların çoxluğu və ölkədə məhsul istehsalının artması əsas verir ki, bayramda qiymətlər bir o qədər yüksəlməsin”.

Tarix
2023.11.28 / 20:45
Müəllif
Axar.az
Şərhlər
Digər xəbərlər

Zelenski qalib Əliyevi təbrik etmişdi - Xaçatryan

Prezident Xocalıda: Memorialın təməlini qoydu - Video

Prezident Xocalıya bunu da apardı...

Sərkisyanın Xocalı qətliamı haqda etirafı...

Xocalı sakini övladlarını dəfn etdiyi yerdə... - Video

Fidan Xocalı soyqırımından yazdı

Rus qoşunu hərəkətləndi, Həsənov Şoyquya zəng etdi?

İlham Əliyev Xankəndiyə getdi

Ərdoğanın baş müşaviri Xocalıdan yazdı

İrəvandan Kamil Zeynallı haqda yeni açıqlama

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla