Elektron xidmətlərdən istifadənin təşviqi və maarifləndirmə tədbirləri nəticəsində vətəndaş müraciətləri əhəmiyyətli şəkildə azalıb.

Bu barədə Axar.az-a Dövlət Sosial Müdafiə Fondunun mətbuat xidmətindən məlumat verilib.

2015-ci ildə Fondun rəsmi saytı, "Elektron hökumət portalı" və "Elektron ödəniş portal" vasitəsilə əhaliyə təqdim etdiyi elektron xidmətlərdən ümumilikdə 2,7 milyondan çox istifadə sayı qeydə alınıb.

Nəticədə vətəndaşlardan daxil olan müraciətlərin sayı 26 faiz azalıb. Qeyd edək ki, DSMF vətəndaşlarla işin səmərəliliyinin daha da artırılması, fəaliyyətinin avtomatlaşdırılması və maarifləndirmə tədbirlərinin əhatə dairəsinin genişləndirilməsi işlərini davam etdirir.