Qubada mütəşəkkil cinayətkar dəstə ifşa olunub.

Bu barədə Axar.az-a Daxili İşlər Nazirliyinin mətbuat xidmətindən xəbər verilib.

Rayon sakini Mübariz Paşayevin evindən 100 dollar və geyim oğurlamış Qusar sakinləri Emin Əmirbəyov, Ayaz Qurbanov və Fariz Əhmədxanov tutulublar.

Onların rayon sakinləri S.Nəcəfova, Z.Əmirxanovaya məxsus evlərdən oğurluğa cəhd göstərmələri müəyyən edilib. L.Abbasova və V.Abdullayevin evlərindən də qızıl əşyalar və pul oğurladıqları məlum olub.

Habelə, E.Əmirbəyovun və A.Qurbanovun Quba sakini Qalib Sultanovla birgə həmyerliləri Ramiz Dəmirovun evindən sənəd və ətir oğurlanmaları da müəyyən edilib. Q.Sultanov da tutulub.