Paytaxtın Nərimanov rayonunda möhtəşəm malikanə satışa çıxarılıb.

Axar.az-ın məlumatına görə, Kazımzadə küçəsində yerləşən imarət 2 milyona təklif olunur.

Mənzil "Rosevil Premium Residans" yaşayış kompleksində yerləşir. Eksklüziv dizaynla təmir olunmuş ev 325 kvadratmetrdir. Bundan əlavə, 210 kvadratmetr şəhərə panorama açılan sahəsi var.

Təmirdən sonra mənzildə yaşayış olmadığı qeyd olunub. Təmir zamanı Avropa materialları istifadə olunub. Havalandırma sistemi, yerdən isitmə döşəmələri var.

Məlumatda mətbəx mebeli, qabyuyan, paltaryuyan və ayrıca qurutma maşınları, o cümlədən soyuducusu olduğu bildirilib. Yaşayış kompleksində 400 qarajdan biri mənzilə aiddir.

Həmçinin, uşaq əyləncə parkı, fitness kompleks, sauna və masaj, hovuz sakinlərin xidmətindədir.