Bakı-Qazax yolunun 196-cı kilometrliyində, yolun Kürdəmir rayonundan keçən hissəsində qəza baş verib.

Report xəbər verir ki, Bakı sakini Sakit Cəfərov "Hyundai" markalı minik maşını ilə hərəkətdə olarkən, idarəetməni itirib və avtomobil yoldan çıxaraq aşıb.

Nəticədə maşında olan sərnişinlər - Bakı şəhər sakinləri - 51 yaşlı Reyhan Abdullayeva və 12 yaşlı Fidan Kərimli müxtəlif dərəcəli bədən xəsarətləri alıblar. Yaralılar təcili olaraq Kürdəmir Mərkəzi Rayon Xəstəxanasının Travmatologiya şöbəsinə yerləşdiriliblər.

Faktla bağlı Baş Dövlət Yol Polisi İdarəsinin İstintaq və təhqiqat şöbəsində araşdırma aparılır.