Bu ilin sonunda təmirinin başa çatdırılması nəzərdə tutulan Bakı Dəmiryolu vağzalında daha bir tunel sərnişinlərin istifadəsinə veriləcək.

Axar.az xəbər verir ki, bu haqda Azərbaycan Dəmir Yolları QSC-nin mətbuat katibliyinin rəisi Nadir Əzməmmədov məlumat verib.

Nadir Əzməmmədov xəzər xəbər-ə açıqlamasında bildirib ki, hazırda platformalarda işlər davam etdirilir. İşlər yekunlaşdıqdan sonra sərnişinlər elektrik qatarlarından düşüb birbaşa 28 May metro stansiyasına çıxış əldə edə biləcəklər.

Stansiya ərazisində olan 16 mərtəbəli binada isə müasir otel və Dəmir Yolları Qapalı Səhmdar Cəmiyyətin inzibati binası fəaliyyət göstərəcək.