Bakıda daha bir firmanın istifadəyə yararsız məhsulu aşkarlanıb.

Axar.az-ın məlumatına görə, İlkin Həsənov adlı Feysbuk istifadəçisi "Favorit" marketdən Saratovka süd məhsullarının istehsal etdiyi qaymaqdan aldığını yazıb.

Onun sözlərinə görə, məhsulun istifadə tarixi köhnə olmasa da, qaymağın üzərində ləkələr çıxıb.

O, qaymağı körpəsinə aldığını qeyd edib:

"Yaxşı ki, əvvəl özüm dadına baxdım. İnanın, çox keyfiyyətsizdir, zəhər kimidir. Mağaza rəhbərliyi keyfiyyətə nəzarəti artırsa yaxşı olar".

Qeyd edək ki, Bakıda "Bazarstor" supermarketindən istifadəyə yararsız qaymaq aşkarlandığını xəbər vermişdik. Məhsulun üzərində fevralın 24-nə qədər istifadə müddəti olduğu qeyd olunub. Müştəri evə gələndən sonra isə qaymağın istifadəyə yararsız olduğunu görüb və məhsuldan xoşagəlməz qoxu gəldiyini hiss edib.