Fevralın 21-də Xəzər dənizinin Neftçala rayonu ərazisində aşkar edilmiş cəsədin DNT analizinin nəticələri məlum olub.

Azərbaycan Dövlət Neft Şirkətindən Axar.az-a verilən məlumata görə, ekspertlərin rəyinə əsasən, cəsəd SOCAR-ın Nəqliyyat İdarəsinin əməkdaşı Cavad Xudaverdi oğlu Xudaverdiyevindir.

O, dekabrın 4-də təbii fəlakət nəticəsində "Neft Daşları"ndakı 501 saylı dəniz özülündə baş vermiş qəzada itkin düşən 3 neftçidən biridir.

"Dekabrın 4-də Neft Daşlarındakı 501 saylı və ''Günəşli'' yatağındakı 10 saylı dəniz özüllərində baş vermiş qəzalar nəticəsində itkin düşmüş neftçilərin axtarışı davam edir", - SOCAR-dan bildirilib.