1992-ci ilin fevralın 26-dan 27-nə keçən gecə Ermənistan ordusunun və Rusiyanın Xankəndidəki 366-cı alayının hərbi birləşmələri aylardır mühasirədə qalan Xocalı şəhərinə hücuma keçib. Hücum nəticəsində 63-ü uşaq, 106-sı qadın, 70-i qoca və qarı olmaqla – 613 nəfər Xocalı sakini qətlə yetirildi, 8 ailə tamamilə məhv edildi, 25 uşaq hər iki valideynini, 130 uşaq valideynlərindən birini itirdi. Düşmən gülləsinə tuş gəlib yaralanan 487 nəfərdən 76-sı uşaq idi. 1275 xocalılı əsir, 150 xocalılı itkin düşdü.

Bu gün multikultural mühitin günü-gündən genişləndiyi Azərbaycan Respublikasında yaşayan bütün xalqlar "Xocalıya ədalət" kampanıyasını dəstəkləyir və Azərbaycanın bu kədərinə şərik çıxırlar.