Fevralın 29-da Türkiyədə Azərbaycanın turizm nümayəndəliyi açılacaq.

Bu barədə Axar.az-a açıqlamasında Mədəniyyət və Turizm Nazirliyinin İnformasiya və ictimaiyyətlə əlaqələr şöbəsinin müdiri Vüqar Şıxəmmədov deyib.

O, nümayəndəliyin Azərbaycanın turizm potensialını təbliğ edəcəyini bildirib:

"Xarici ölkələrdə turizm nümayəndəliyinin açılması Azərbaycan turizminin marketinq konsepsiyasına uyğun olaraq həyata keçirilir. Artıq Birləşmiş Ərəb Əmirliklərində və Almaniyada belə nümayəndəliklər bir neçə müddətdir fəaliyyət göstərir. İki gün öncə də Rusiyada nümayəndəliyimizi açdıq. Fevralın 29-da isə İstanbulda turizm nümayəndəliyimizin açılması planlaşdırılır. Bu nümayəndəliklər Azərbaycanın turizm imkanlarının tanıdılması və təbliğat-təşviqat kampaniyasını həyata keçirəcək".