Yuxarı

Aran rayonlarında meşə sahələri artırılır

Ana səhifə Toplum
12 Punto 14 Punto 16 Punto 18 Punto
Aran rayonlarında meşə sahələri artırılır

Son illərdə Azərbaycanda yeni meşələr respublikanın bütün bölgələrində salınıb, amma meşə salma tədbirləri zamanı əsasən az meşəli rayonlara, yəni Aran rayonlarına üstünlük verilib.

Bu barədə Trend-ə açıqlamasında Ekologiya və Təbii Sərvətlər Nazirliyinin Meşələrin İnkişafı Departamentinin sektor müdiri Sadiq Salmanov məlumat verib.

Onun sözlərinə görə, Azərbaycanda ən çox meşə sahələri Böyük və Kiçik Qafqaz ərazilərindədir.

S.Sadıqov qeyd edib ki, dağ bölgələrində meşə sahələri çox, Aran rayonlarında isə azdır. Aran bölgələrində meşə örtülü ərazilərin sahəsi ümumi ərazinin 2 faizini təşkil edirsə, dağ bölgələrində bu göstərici 48-60 faiz arasında dəyişir.

Nazirlik rəsmisi əlavə edib ki, ümumilikdə Azərbaycanın meşə fondunun ərazisi 1 milyon 213 min 700 hektardır. Onun da 1 milyon 21 min hektarı meşə örtülü sahələrdir.

Azərbaycanın ümumi ərazisinin yalnız 11,8 faizinin meşə örtülü ərazilər təşkil etdiyini deyən S.Salmanov bildirib ki, ölkədə son 14-15 il ərzində meşə örtülü ərazilərin sahəsinin 0,4 faiz artırılmasına nail olunub. Bu, meşə-bərpa tədbirləri, yeni meşələrin salınması tədbirlərinin həcminin 3 dəfə artırılması nəticəsində mümkün olub.

S.Salmanov deyib ki, Azərbaycanda meşə örtüyünün əsas hissəsi palıd, fıstıq və vələs ağacları təşkil edir: "Bunlar respublika meşələrinin 88 faizini təşkil edir. Yeni meşələr də salınanda əsas fıstıq, palıd, ağcaqayın və digər ağaclara üstünlük verilir. Regiondan, bitmə şəraitindən asılı olaraq, il ərzində müxtəlif regionlarda 11 min hektar sahədə meşə-bərpa işləri aparılır".

Tarix
2016.03.08 / 22:50
Müəllif
Axar.az
Digər xəbərlər

İtaliyanın XİN rəhbəri Azərbaycana gəldi

İlham Əliyev ABŞ-ın daxili təhlükəsizlik nazirini qəbul etdi

Vyetnamla Azərbaycan arasında imzalanan bu sənəd...

“Azərbaycanda doğulub” sözünə görə “mübarizə” aparır

İlham Əliyev Livan prezidentini təbrik etdi

Azərbaycan bu ölkəni təbrik etdi

“Bədr müqaviləsi” Türkiyəyə nə qazandıracaq?

Ağdama həsr olunan klip yayıldı - Video

Bu ölkədə Araik Arutyunyana “vətəndaşlıq” verildi

İlham Əliyevin Vyetnam səfərindən video yayıldı

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla