Bu gün AMEA Zoologiya İnstitutunda AMEA prezidenti, akademik Akif Əlizadə, akademik-katib Əhliman Əmiraslanovun iştirakı ilə institutun Elmi Şurasının növbəti iclası keçirilib.

İnstitututun mətbuat xidmətindən Report-a verilən məlumata görə, iclasda institutun direktoru vəzifəsinə yeni şəxsin təyin olunması məsələsi müzakirə edilib.

AMEA prezidentinin tövsiyəsi əsasında direktor vəzifəsinə institutun informasiya və innovasiya şöbəsinin müdiri Elman Yusifovun namizədliyi irəli sürülüb.

Elmi Şuranın üzvləri tərəfindən E.Yusifovun Zoologiya İnstitutunun direktoru vəzifəsinə təqdimatı yekdilliklə qəbul olunub və təsdiqlənib.