Azərbaycan 2016-cı ildə rusiyalıların MDB ölkələri içərisində ən çox səfər etdikləri ölkə olub.

Axar.az xəbər verir ki, bu nəticə "Travel.ru" saytının apardığı araşdırmadan sonra ortaya çıxıb. Nəticəyə görə, keçən il Azərbaycana ümumilikdə 2 milyon turist gəlib ki, bunun da 685 mini Rusiyanın payına düşür. Sayt ruslara Azərbaycanda Bakı, Şahdağ kurortu, Gəncə, Şamaxı, Qəbələ, Naftalan, Göygöl, Xudat, Xaçmaz, Siyəzən, Lənkərana səyahət etməyi məsləhət görüb.

Azərbaycandan sonrakı yerləri isə Qazaxıstan, Ermənistan, Qırğızıstan və Belarus tutub.