Meta şirkəti 76 Feysbuk hesabını və 30 səhifəsini, həmçinin 11 İnstaqram hesabını əngəlləyib.

Axar.az xəbər verir ki, bu barədə "Netgazeti" məlumat yayıb.

Məlumata görə, əngəllənmiş səhifələr koordinasiya edilmiş qeyri-əsaslı fəaliyyətlə məşğul olub:

"Bu şəbəkə Rusiyadan gəlib və Gürcüstan, Ermənistan və Azərbaycanda fəaliyyət göstərib. Şəbəkənin digər platformalarda, o cümlədən gürcü, erməni, Azərbaycan və rus dillərində siyasi məlumatlar dərc edən xəbər saytlarında da hesabları olub. Gürcüstanda yazılar “Xarici agentlər haqqında" qanuna həsr olunub, şəbəkə etirazçıları tənqid edib və hakim partiyanı dəstəkləyib".