Vatsapda yeni funksiyalar tətbiq edilib. Belə ki, populyar mesajlaşma tətbiqində stiker yaratma imkanları genişləndirilib.

Axar.az xəbər verir ki, bu barədə şirkətdən məlumat verilib.

Bildirilib ki, əsas yeniliklərdən biri Vatsapa "Giphy" stiker kitabxanasının inteqrasiyası olacaq. İstifadəçilər mətn sorğuları və ya emojilər vasitəsilə asanlıqla stikerlər axtara və paylaşa biləcəklər.

Eyni zamanda, saxlanılan stikerlərin təşkili təkmilləşdirilib. İndi ən çox istifadə olunan stikerləri yuxarı hissəyə köçürmək və ya lazımsızları silərək kolleksiyanı optimallaşdırmaq mümkündür.

Bütün bu yeniliklər bir neçə həftə ərzində tədricən tətbiq ediləcək.