Polis işğaldan azad olunan bölgələrdə sanitariya-gigeyina qaydaları ilə bağlı tədbirlər keçirir.

DİN-in Mətbuat Xidmətindən Axar.az-a bildirilib ki, həmin ərazilərdə yaşayan, işləyən və səfər edən şəxslərə təhlükəsizlik qaydaları ilə yanaşı, sanitariya-gigiyena tələbləri izah edilir, məlumatlar verilir. Qaydalara əməl etməyən şəxslərlə bağlı inzibati tənbeh tədbirləri görülür.

"Bir daha vətəndaşlarımızdan xahiş edirik, ərazilərin təmizlik, sanitariya-gigiyena qaydalarına ciddi əməl etsinlər. Zibili, tullantıları urnalardan kənara atmaq antisosial, xoşagəlməz əməldir, qanunla qadağandır, inzibati məsuliyyət yaradır", - məlumatda qeyd edilib.

Qeyd edək ki, bəzi ziyarətçilərin işğaldan azad olunmuş şəhərlərimizdə təmizliyi qorumaması, zibil və ərzaq tullantılarını yerə atması, hətta tarixi abidələri zibilləmələri son günlər ciddi narahatlıq yaradır.