01:12

Bakıda təxminən 40-42 yaşlı kişi intihar edəcəyini bildirir.

Musavat.com xəbər verir ki, sərxoş kişi Babək prospektində özünü tunelə atacağı ilə hədələyir. O, telefonunun ekranının sındığını deyir və yeni Ayfon istəyir.

Hadisə yerinə FHN Xüsusi Riskli Xilasetmə Xidmətinin xilasediciləri cəlb edilib. Hazırda intihar etmək istəyən şəxsi fikrindən daşındırmağa çalışırlar.

***

İntihara cəhd edən 1975-ci il təvəllüdlü Quliyev Elçin Arif oğlu xilas edilib.

O, Xətai Rayon Polis İdarəsinin 37-ci Polis Bölməsində bildirib ki, "Bazarstore" marketinin mühafizəçiləri ilə mübahisə edib və mühafizəçilərin itələməsi nəticəsində telefonunun ekranı sınıb. Babək prospektində tunelin üstünə çıxan Elçin Quliyev DİN-in 102 xidmətinə zəng edərək, özünü atacağını bildirib. O, yeni telefon tələb edib.

Faktla bağlı araşdırma aparılır.