İri şirkətlər ən böyük çirkləndirici olaraq dünyanın dağıdıcılarıdır.

Axar.az xəbər verir ki, bunu Albaniya parlamentinin sədri Elisa Spiropali COP29 "Yaşıl zona"sında keçirilən Parlament Görüşündəki "İqlim dəyişikliyinin real təsirini anlamaq" adlı sessiyada çıxışı zamanı deyib.

O bildirib ki, hər kəs öhdəlik götürmək üçün hazır olmalıdır:

"İqlim dəyişikliyi problemi getdikcə böyük vüsət almağa başlayıb. Parlament nəzarətini artırmalı və beynəlxalq əlaqələrdə dialoqu gücləndirməlidir.

Ən çox çirkləndiricilər ən böyük şirkətlərdir və bizim dünyamızın dağıdıcılarıdır. Amma onlar vəziyyəti dəyişə bilərlər. Yalnız danışmaqla kifayətlənməməliyik. Albaniya Paris Sazişi çərçivəsində olan ambisiyalara dəstək verir. Parlament iqlim dəyişikliyi ilə mübarizə tədbirlərində qanunvericilik sahəsində iş görməkdədir”.