Hər yerdə Azərin böyrək çatışmazlığından vəfat etdiyi qeyd olunub. Ancaq Azər həmin gün yüksək təzyiq səbəbindən insult keçirmişdi.

Axar.az xəbər verir ki, bu sözləri "Xəzər axşamı" proqramında qonaq olan televiziya aparıcısı İlkin Həsəni deyib.

Azər Baxşəliyevə böyrək köçürülməsi üçün donor tapıldığını bildirən Həsəni onun əməliyyata hazırlaşdığını qeyd edib:

"Bütün dostları bilirdi ki, Azər həmin ərəfədə böyrək transplantasiyasına hazırlaşırdı. Bunun üçün Türkiyəni düşünürdü. Tamaşaçılardan biri təmənnasız olaraq öz böyrəyini verirdi. Ötən ilin mart ayından etibarən bununla bağlı sənədləşmə işləri başlamışdı. Son illərdə transplantasiya əməliyyatları üçün etika komissiyası yaradılıb. Analizlər götürüldü, sənədləşmə gedirdi. Hər dəfə soruşanda deyirdi ki, gələn ay cavab deyəcəklər. Bu proses səhv etmirəmsə, noyabrın sonuna qədər uzandı. Onda da Azərə yerli donor vasitəsilə böyrək köçürülməsi edilməsinə imtina cavabı gəldi. Hansısa problem çıxdı və imtina cavabı gəldi. Azəri bir az da bu olay sarsıtdı və nə olar-olar fikrinə qapıldı".

Qeyd edək ki, bundan öncə aktyor Kənan Mahmudov da Azər Baxşəliyevin böyrək çatışmazlığından deyil, beyinə qansızmadan öldüyünü bildirmişdi.