Bəzi şəxslərə Norveçdə iş təklifi ilə bağlı saxta məlumatlar göndərilir.

Axar.az Xəzər TV-yə istinadən məlumat verir ki, həmin ölkədə olmayan müxtəlif şirkətlərin adından iş elanları paylaşılır. Daha sonra həmin müəssisəyə işə düzəltmə üçün müraciət edənlərdən müəyyən məbləğdə pul istənilir.

Norveçdə yaşayan azərbaycanlı Xaqan Əzizov deyib ki, bu mövzuda onlarla insan ona yazıb. Məlumatlandıqdan sonra isə dərhal dələduzlara pulu ödəmək fikrindən daşınıblar.

Məsələ ilə bağlı Daxili İşlər Nazirliyindən bildirilib ki, bu kimi hallarla bağlı təxirəsalınmaz tədbirlər həyata keçirilir.

Qeyd olunub ki, bu kimi dələduzluq halları ilə qarşılaşan vətəndaşlar “102” xidmətinə və yaxud nazirliyin rəsmi sosial şəbəkə hesablarına müraciət etməlidirlər.

Ətraflı süjetdə: