Qida Təhlükəsizliyi Agentliyinin əməkdaşları tərəfindən 2025-ci il 3-7 fevral tarixlərində aparılan monitorinqlər zamanı İmişli, Ağcabədi və Tərtər rayonlarında fəaliyyət göstərən 6 heyvan kəsimi və ət satışı məntəqəsində bir sıra nöqsanlar aşkar olunub.

Axar.az Qida Təhlükəsizliyi Agentliyinə istinadən xəbər verir ki, bunlara İmişlidə Elmir Əli oğlu Bağırlı və Murad Rafiq oğlu Mejdunova məxsus məntəqələr, Ağcabədidə Cəmaləddin Arif oğlu Hüseynova məxsus məntəqə, Tərtərdə isə Maarif Salman oğlu Əsgərov, Anar Xaliq oğlu Abışov, Vüsal İlham oğlu Hümbətzadəyə məxsus məntəqələr aiddir.

Məlum olub ki, məntəqələr baytarlıq-sanitariya ekspertizası aparılmadan heyvan kəsimi və ət satışı fəaliyyəti ilə məşğul olublar.

Qeyd edək ki, aşkarlanmış uyğunsuzluqlarla əlaqədar inzibati tədbir görülüb.