“Numbeo” məlumat bazası 2025-ci ilin yaşayış dəyəri indeksi ilə bağlı reytinqini açıqlayıb.

Axar.az xəbər verir ki, yeni reytinqdə 1-ci yerdə Nyu York qərarlaşıb.

Ümumilikdə dünyanın ən bahalı şəhərlərinin ilk onluğunda ABŞ-ın 5 şəhəri – Nyu York (1), San Fransisko (2), Boston (4), Honolulu (7) və Vaşinqton (10) yer alıb.

İsveçrənin 4 şəhəri – Sürix (3), Cenevrə (4), Lozanna (6) və Bazel də ilk onluqdadır.

Ən bahalı şəhərlərin ilk onluğunu Sinqapur (9) tamamlayıb.

Bakı reytinqdə 256-cı yerdədir və Almatı (255) və Batumi (257) ilə “qonşudur”.

Yeni reytinqdən aydın olur ki, Cənubi Qafqazın yaşayış üçün ən bahalı paytaxtı İrəvandır (179). İrəvanda qiymətlər İstanbul (177), Mexiko (178) və Riqa (180) ilə yaxındır, hətta Banqkokdan (199), Moskvadan (210) daha bahalıdır.

Tiflis də 222-ci yerlə Bakıdan daha bahalı şəhər sayılıb.