Yuxarı

Rezin borulardan narkotik çıxdı, əcnəbilər saxlanıldı - Foto

Ana səhifə Toplum
12 Punto 14 Punto 16 Punto 18 Punto

Gömrük postunda külli miqdarda psixotrop maddə və narkotik vasitə aşkar edilib.

Bu barədə Axar.az-a Dövlət Gömrük Komitəsinin Mətbuat və İctimaiyyətlə Əlaqələr İdarəsindən məlumat verilib.

Məlumata görə, İran İslam Respublikasından yük nəqliyyat vasitəsində daşıyıcı şirkət vasitəsilə idxal olunan yüklərə Bakı Baş Gömrük İdarəsinin “İpək Yolu” gömrük postunda rentgen qurğusunda baxış keçirilib və bir ədəd qara rəngli sellofan torbada olan rezin boruların içərisində şübhəli cizgilər müşahidə edilib.

Bildirilib ki, baxış zamanı həmin rezin boruların içərisində, ümumilikdə 42 ədəd sellofana bükülmüş bağlama müəyyən olunub. Həmin bağlamalardan 25 ədədinin içərisindən xüsusilə külli miqdarda, 983.316 qram metamfetamin psixotrop maddəsi aşkar edilib.

Aşkar edilmiş psixotrop maddəni ölkə ərazisində təhvil alacaq şəxslərin müəyyən edilməsi istiqamətində Bakı Baş Gömrük İdarəsinin Əməliyyat və təhqiqat idarəsinin əməkdaşlarından ibarət əməliyyat qrupu tərəfindən həyata keçirilmiş əməliyyat-axtarış tədbirləri nəticəsində içərisində psixotrop maddə olan rezin boruları təhvil alan 2 nəfər xarici ölkə vətəndaşı saxlanılıb və onlardan xeyli miqdarda narkotik vasitə - 16 həb metadon və 1 həb onun qırıntısı aşkarlanıb.

Faktla bağlı Əməliyyat-İstintaq Baş İdarəsində başlanılmış cinayət işi üzrə xarici ölkə vətəndaşları Azərbaycan Respublikası Cinayət Məcəlləsinin 206.3.2 və 234.4-1-ci maddələri ilə təqsirləndirilən şəxs qismində cəlb edilməklə barələrində Yasamal rayon Məhkəməsinin müvafiq qərarları ilə həbs qətimkan tədbiri seçilib.

Cinayət işi üzrə istintaq aparılır.

Tarix
2025.02.19 / 15:08
Müəllif
Axar.az
Digər xəbərlər

Rəsmi Bakıdan Mirzoyanın iddialarına cavab

Paşinyan sülh sazişinə Bakıda imza atacaq - Sensasion iddia

Biz azərbaycanlılarla birgə yaşamaq istəmədik - Melkumyan

Ermənilərin Ordumuzu atəşə tutmasına Rusiyadan reaksiya

Hacıyev Novruz bayramından yazdı: Min illərdir ki...

Paşinyan etiraf etdi: Atəşkəsi Ermənistan pozur

Minsk Qrupunun bərpası mümkün deyil - Zaxarova

Rusiya 9 Mayda Əliyevlə Paşinyanı gözləyir - XİN

İlham Əliyev Mirziyayevlə danışdı

Ərdoğana təzyiqdir, 3 ildən sonra… - Zülfüqarov

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla