Paytaxtın Xətai rayonu, R.Məmmədov küçəsi 24, 26 ünvanında, Heydər Əliyev Fondunun vitse-prezidenti, İDEA İctimai Birliyinin təsisçisi və rəhbəri Leyla Əiyevanın təşəbbüsü ilə “Bizim həyət” layihəsi çərçivəsində yaradılan məhəllədə Novruz şənliyi təşkil olunub.

Axar.az xəbər verir ki, bu barədə Bakı Şəhər Xətai Rayon İcra Hakimiyyətinin məlumatında deyilir.

Məhəllə sakinləri, ağsaqqallar, şəhid ailələri üzvləri, qazilər bayramı yüksək sevinc hissi ilə qeyd ediblər.

Bayramda Novruz atributları, milli mətbəximizin və geyimlərimizin nümunələri nümayiş etdirilib, müğənnilər müxtəlif mahnılar səsləndirib, Kosa, Keçəl və Bahar qızı toplaşanları şənləndirib və bayram tonqalının ətrafında sakinlərlə birgə rəqs ediblər.