Qızıl əslində ucuzlaşmır. Sadəcə olaraq, gəlirlərin fiksasiyası – yəni sabitləşdirilməsi baş verir. Əksinə, qızıl artıq tarixi maksimuma – 3200 dollara çatıb.

Bu sözləri Axar.az-a açıqlamasında iqtisadçı Natiq Cəfərli ABŞ Prezidenti Donald Trampın tətbiq etdiyi gömrük rüsumlarının qızılın qiymətinə təsiri haqda danışarkən deyib.

“Qızıl da bütün digər əmtəələr kimi alqı-satqı predmetidir və investorlar üçün gəlir mənbəyidir. Kim vaxtında – yəni daha ucuz qiymətə alıbsa, indi onu baha qiymətə satışa çıxarıb gəlirini sabitləşdirir. Əksinə, düşünürəm ki, yaxın müddətdə qızılın qiymətində yenidən artım müşahidə oluna və 3500 dollar səviyyəsinə qədər yüksələ bilər”, - ekspert vurğulayıb.

Qeyd edək ki, Trampın tətbiq etdiyi tariflər qızılın 1,5 faiz ucuzlaşmasına səbəb olub.