Təmir işləri ilə əlaqədar Bakının Nizami rayonu ərazisindəki Rüstəm Rüstəmov küçəsinin Bəkir Çobanzadə küçəsi ilə kəsişməsindən Qara Qarayev prospektinədək olan hissəsi iyun ayının 4-ü səhər saatlarından nəqliyyatın hərəkəti üçün tam bağlanacaq.

Axar.az Azəravtoyol ASC-nin mətbuat xidmətinə istinadən xəbər verir ki, məlumata əsasən, əks istiqamətdə, yəni Qara Qarayev prospektindən Bəkir Çobanzadə küçəsinə doğru olan hissədə isə hərəkətə hər hansı məhdudiyyət tətbiq edilmir.

Sürücülərə alternativ yollardan istifadə etmələri tövsiyə olunur.