Bakı şəhəri, Nəsimi rayonu, Nizami küçəsində yerləşən elektron mallar anbarı və qida istehsalı sexində yanğın baş verməsi haqqında Fövqəladə Hallar Nazirliyinin 112 qaynar xəttinə saat 10:51-də çağırış daxil olub.

Axar.az Teleqraf-a istinadən xəbər verir ki, bunu Dövlət Yanğından Mühafizə Xidmətinin rəis müavini polkovnik Taleh Babayev jurnalistlərə açıqlamasında deyib.

Onun sözlərinə görə, dərhal yanğın yerinə Dövlət Yanğından Mühafizə Xidmətinin qüvvələri, eynilə Xüsusi Xilasetmə Xidmətinin qüvvələri və Bakı Regional Mərkəzinin şəxsi heyəti cəlb olunub:

"Hazırda yanğının məhdudlaşdırılıb, söndürülməsi istiqamətində işlər təşkil olunaraq həyata keçirilir. Binada baş vermiş yanğın zamanı yaxınlıqda olan çoxmənzilli yaşayış binasında insanların təhlükəsizliyini təmin etmək üçün təxliyə işləri həyata keçirilib. Ümumi sahəsin 2400 kvadratmetr olan obyektin 360 kvadratmetr hissəsi yanıb. Anbarda baş vermiş yanğın zamanı malların müəyyən hissəsi alova məruz qalıb, amma böyük bir hissəsi mühafizə olunub.

Yanğın zamanı xəsarət olan olmayıb. Yanğının hansı səbəbdən baş verməsi araşdırmadan sonra bəlli olacaq".