2016-06-08 20:39:00

Samuxda qətl hadisəsi baş verib.

APA-nın verdiyi məlumata görə, hadisə Samuxun Hacallı kəndində qeydə alınıb.

Kənd sakini, 1984-cü il təvəllüdlü Cavad Həsənov bacısı, 1986-cı il təvəllüdlü Gülnarə Həsənovanı boğaz nahiyəsindən bıçaqlayıb. Qadın hadisə yerində ölüb. C.Həsənov isə polis tərəfindən saxlanılıb.

Qətl hadisəsi ilə bağlı Report-un yaydığı təfərrüatda qeyd olunur ki, Cavad Həsənov bacısı Gülnarə Həsənovanı övladının gözləri qarşısında öldürüb və qətli törədərkən sərxoş vəziyyətdə olub.

Onların yaxınlarının dediyinə görə, bacı və qardaş arasında dəfələrlə mübahisə olub. C.Həsənov boşanmış bacısı haqqında kənddə gəzən söz-söhbətlərə görə, hətta aylardı bacısı ilə küskün olub. Yaxınları oğlana şayiələrin yalan olduğunu, onlara inanmamasını desələr də, o, yenə öz bacısına qarşı düşmənçilik edib və bacısına qarşı sonuncu hərəkəti də onu qətlə yetirmək olub.

Faktla bağlı Samux rayon Prokurorluğunda araşdırma aparılır.