Rusiya 60 saat içərisində Tallin və ya Riqanı tutmaq imkanına malikdir.

Axar.az xəbər verir ki, bu sözləri ABŞ Müdafiə nazirinin müavininin köməkçisi Maykl Karpenter Senatdakı dinləmələr zamanı söyləyib.

Onun sözlərinə görə, Rusiya Baltikyanı ölkələrə hücum etsə, zaman və məsafə baxımından NATO-nu önləyəcək. O, 2017-ci ilin sonunda Moskvanın bu üstünlüyünün qarşısının alınacağını bildirib.

Qeyd edək ki, bundan öncə ABŞ-ın RAND Tədqiqatlar Mərkəzi Baltikyanı ölkələrin Rusiya aqressiyasından sığortalanmadığını bəyan edib. Təşkilat NATO-nun xüsusilə Estoniya və Latviyanı qorumaq imkanında olmadığını bildirib.