2015-ci ildə Azərbaycanın işğal olunmuş Dağlıq Qarabağ ərazisinə səfər edərək, orada özünə biznes yaradan rusiyalı iş adamı German Sterliqov Ukraynanın RBK telekanalına müsahibəsində ermənilərin acından öldüyünü deyib.

Publika.az xəbər verir ki, Sterliqov Dağlıq Qarabağda yaşayan sadə ermənilərə yaşamaq üçün heç nə verilmədiyini bildirib: "Onlara sadəcə ölməmək üçün bəs edəcək qədər pul verirlər. Orada kənd təsərrüfatının inkişafı üçün yaxşı şərait var, amma insanlara əkib-becərməyə imkan vermirlər".

Onun sözlərinə görə, Qarabağda yaşayan ermənilərin əksəriyyəti oradan qaçır: "Belə davam etsə, Qarabağda erməni qalmayacaq və azərbaycanlılar döyüşmədən boş qalmış ərazilərə geri qayıdacaqlar".

Qeyd edək ki, G.Sterlikov Qarabağda yaşamağa başlayanda orada hər şeyin yaxşı olduğunu, insanların rifah içində yaşadığını iddia edirdi.