İmişli rayonunda 9 May Qələbə günü tədbiri zamanı SSRİ bayrağı qaldırılıb. Hadisə rayonunun Sarıxanlı kəndində baş verib.

Axar.az xəbər verir ki, SSRİ bayrağı İkinci Dünya müharibəsi xatirə kompleksinin üzərinə sancılıb. Sosial şəbəkədə yayılan görüntülər cəmiyyət tərəfindən birmənalı qarşılanmayıb.

Tədbirdə həmçinin rayon Ağsaqqallar Şurasının sədri Saleh Səmədov SSRİ bayrağı fonunda sinəsində rus imperiyasının rəmzi olan "Georgi lenti" ilə çıxış edib.

Saleh Səmədov Modern.az-a açıqlamasında burada heç bir pis şeyin olmadığını bildirib:

"Bunun nəyi pisdir ki? SSRİ kimi böyük dövlət olub, onun bayrağıdır".

Saleh Səmədov sonda jurnalistlərə əsəbiləşib:

"İkincisi, bunun sizə nə aidiyyəti var. Boş-boş işlərlə məşğul olursunuz".